林徽因同徐志摩有乜關係？

之前阿史介紹咗林徽因同梁思成嘅故事，相信好多史友都會諗到一個人，佢就係民國時期才子徐志摩。記得响十幾廿年前，有套叫《人間四月天》嘅電視劇，就刻劃徐志摩同林徽因好似有緣無份咁。故仔還故仔，到底佢兩個係乜關係呢？

講到佢兩個人嘅關係，阿史建議史友們可參考林徽因個仔梁從誡一篇關於佢媽媽嘅文章。佢話林徽因同徐志摩係响1920年喺倫敦認識，當時徐志摩係一位24歲嘅已婚人士，而林徽因就係一名16歲嘅女中學生。據梁從誡所講，當時林徽因係知道徐志摩追求自己，但林徽因往後呢件事有一個幾特別嘅睇法，就係「徐志摩當時愛的並不是真正的我，而是他用詩人的浪漫情緒想像出來的林徽音，可我其實並不是他心目中所想的那樣一個人。」

不過，徐志摩對林徽因嘅「感情」的確係特別。林徽因就同佢嘅仔女講過，《偶然》同埋《你去》都係徐志摩為林徽因而作，不過林徽因就話一直當徐志摩係知音同好朋友。