尋日就係國際著名華裔武術家、截拳道創始人李小龍逝世嘅日子，阿史就同史友簡單回顧咗呢位一代宗師嘅生平。史友們都應該知道，李小龍逝世前其實係指緊一部叫做《死亡遊戲》嘅武打電影，拍攝進度大概係三分一，咁到底呢部失去咗主角嘅電影係點樣拍落去呢？

《死亡遊戲》係喺1972年由李小龍開始創作以及主演，喺李小龍逝世之後盲由嘉禾電影重寫故事，並搵嚟Robert Clouse執導，再由韓籍演員金泰靖補演未完成部份，最尾喺1978年公映。唔知史友有冇留意到，電影入面有一幕係葬禮部分，原來真係取自李小龍真實嘅葬禮，希望通過咁對呢位一代宗師致敬。

雖然算係搵到人代演，咁故事上嘅唔同又點樣處理呢？故事原本嘅概思係有一位由李小龍主演嘅武術奇才海天同埋五位武術家一同入咗一座五層寶塔，而每層都有一位武術家把守，每入一層都要同對方展開激戰，而喺最頂一層就會有一個寶盒，入面寫住一句「生是一個等待死亡的歷程」。

然而，故事冇咗主演，就只好改寫，所以後來公映嘅版本亦都好唔同。李小龍飾演嘅角色就轉咗做國功夫超級明星盧比利，點樣受到黑幫組織首領藍博士青睞拉攏參加國際搏擊大賽，後來就發現當中嘅陰謀，一步一步伺機復仇，最後喺運用返原本拍攝《死亡遊戲》嘅第三層虎殿、第四層龍殿、第五層無名殿鏡頭作結，成為李小龍生平最後一部功夫電影，亦都應驗咗原本一句「生命是一段等待死亡的歷程」。

原圖嚟自網絡