之前阿史介紹九龍名稱由來,有史友就提及大上托係九龍龍脈所在,唔知史友們有無聽過大上托呢個地方呢?

大上托係秀茂坪同井欄樹之間嘅一個山峰,至於呢個山最出名嘅,就係昔日香港主要嘅石礦場─安達臣道石礦場。呢個石礦場响1956年開始營運,响六十年代嘉華公司投得石礦場嘅開採權,慢慢成為咗香港建築材料嘅主要來源。據嘉華公司老闆呂志和透露,機場、青馬大橋嘅建築材料,都係由安達臣石礦場供應。不過,擁有呢個石礦場經營嘅嘉安公司,响2017年將石礦場交回俾政府,礦場之山大上托亦成為歷史。

原圖嚟自網絡