海旁東填海計劃最初唔成功 係因為海軍唔肯走？

早兩日就同史友們講到，其實第一代舊灣仔警署係位於海旁，但後來因為一場填海計劃而搬遷到新嘅填海地，而呢場填海計劃就係海旁東填海計劃。

海旁東填海計劃又有第二個名，就係叫做灣仔海旁填海計劃，亦都係20世紀初一項好主要嘅填海工程，喺1921年開始，歷時十年先完成工程，為灣仔一帶換嚟大片土地。但唔講真係唔知，其實呢項工程最衫並唔係咁順利，原因並唔係因為有咩技術問題，而係當時嘅海軍唔肯走。

海旁東填海計劃早喺1897年就已經有人提出，當時係想配合埋中環嘅填海計劃一齊進行，但係灣仔嘅填海範圍其實就係英國駐港海軍嘅地頭，並且仲有一間海軍醫院，所以當時佢哋係唔肯遷走。咁到底點解後來又會有變化？原來為咗促成呢件事，時任行政局議員保羅遮打爵士多番游說之下，先至令到海軍肯將醫院搬到昂船洲。