最近中國同美國關係都幾差,美國仲突然要求中國關閉駐休斯敦總領館,可以話中美建交41年以來關係嘅新低點,連外交部長發言人都話美方做法非常無理。

中華人民共和國同美國係响1979年1月1日正式建交,兩國建交其實係同當年國際形勢好有關係。响二戰後,世界分為資本主義國家同社會主義國家陣營。1949年中華人民共和國成立,成為社會主義國家陣營個邊。不過,响六十年代,蘇聯同中國關係轉差,意識形態上出現嚴重分歧,中國批評蘇聯為「蘇修社會帝國主義」國家。响1969年,尼克遜成為美國總統後,希望通過改善同中國嘅關係,實行「聯中制蘇」,亦令中美關係開始降溫。到咗七十年代,中美外交就出現好多經典事件,好似1971年美國國家安全顧問基辛格秘密訪華、中美兩國乒乓球隊互訪、1972年尼克遜訪華等,令中美關係迅速回暖,1973年美國政府仲响北京設立在華聯絡辦事處,為中美關係正常化舖路。最終,1978年12月15日,兩國政府宣佈於1979年1月1日正式建立外交關係。

原圖嚟自網絡