喺70、80年代之前,香港嘅公共交通工具仲未係好發達,而且對於商業用途嘅車輛規管亦都唔完善,而以就衍生咗唔少「白牌車」、「黑牌車」同埋「紅牌車」等問題。喺1976年7月24日,「紅牌車」就被全面取締,並且要轉型做的士,到底點解會有呢樣政策呢?

所以嘅「紅牌車」,主要就係喺70年代中之前流行,係一種車型同的士好相似嘅房車,而且車牌都係紅底白字,所以就叫做紅牌車。由於車入面都係冇咪錶,亦都冇車頂嘅的士燈,所以最初就只會通過電召載客,唔可以亂咁喺街載客。但點知呢啲紅牌車慢慢就喺街上面同的士競爭爭客,市面上接近1800架「紅牌車」令到成個業界生意受到影響。

眼見呢個情況,當時港府就只好喺1976年嘅今日將所有紅牌車轉型做正規的士,而且原車主都需要補返7,5000蚊港元,自此就再冇紅牌車出現喇!

原圖嚟自網絡