全球首次採用「不銹鋼、混凝土」混合式結構 昂船洲大橋

阿史早排就同史友們介紹咗昂船洲嘅歷史，由原先嘅一個海島經過填海同陸地連接。雖然呢個島本身都有唔少基建同埋海軍基地，但其實仲有一條當年好巴閉嘅大橋，就係昂船洲大橋。

昂船洲大橋喺2005年動工興建，歷史四年幾喺2009年7月29日落成。昂船洲大橋喺規劃入面就係屬於8號幹線一部份，跨越藍巴勒海峽，佢嘅出現令到來往港島同埋新界西又多一個選擇，並且有利港口物流業嘅發展。隨住呢條大橋落成，公益金嘅路線亦都有所改變，2014年就曾經喺舉辦過一次。

昂船洲大橋係用嚟連接青衣同埋昂船洲，原本計劃建成果陣會係全世界跨度就長嘅一條大橋，點知就被蘇通長江公路大橋超越。昂船洲大橋屬於雙塔斜拉橋，雖然唔係跨度最長，但就係當時世界上第一條採用「不銹鋼 + 混凝土」混合結構嘅大橋，長達1,018米，落成時亦都成為香港其中一個重要地標。