如果話中美近代嘅建交係源自「蘇修」而促使美方改善同中國嘅關係，咁中美關係最初又係點樣而起呢？原來係可以追溯到美國建國冇耐果陣！

經歷過歐洲七年戰爭同埋1760年代抗稅運動後，當時美國嘅前身仲係英國殖民地，就爆發咗一場美國獨立革命，成功將北美十三個殖民地脫離英國並且喺1783年組成一個永久性邦聯。

喺咁樣嘅背景之下建立嘅美國，後來同英國展開多次戰爭，而另一邊廂喺美國獨立之後嘅半年，就嘗試接觸中國，派出一艘中國皇后號到中國進行貿易。呢艘中國皇后號喺1783年動工建造，本嚟係諗住用嚟做私掠船，但喺建成當年美國就已經結束戰爭，就只好用嚟做商船。

呢艘商船喺1784年2月22日由紐約啟航，用咗5個月時間到達廣州，成為美國歷史上第一艘派到中國嘅船隻。呢次美國嘅商船帶咗大批茶葉返到紐約，促成咗雙方史上第一次通商。呢次通商隨行嘅仲有美國貿易代表團同埋美國政府官方代表，所以亦都係中美第一次嘅接觸。

原圖嚟自網絡