依家行經中上環一帶，要搵到一啲知名嘅星級酒店並唔係咩難事，但如果要喺百幾年前，就真係唔簡單！

喺以前中環必打街同埋皇后大道交界，就曾經有一間好出名嘅酒店，酒店名就直頭叫做「香港大酒店」，真係霸氣十足。呢間油店係由當時嘅一班富商喺1866年購入當時鐘樓旁邊嘅物業，現址就已經起咗中建大廈。

香港大酒店喺1868年啟用，原本樓高四層，後來就加建成六層，一度係香港最高嘅物業，同時亦都係香港第一間五星級酒店。雖然係咁巴閉，但當時就有一個好大嘅對手，就係有山頂纜車作為賣點嘅山頂酒店，香港大酒店後來亦都經過幾次轉手。

去到1893年，香港大酒店就擴建咗北冀部份，延伸去到畢打碼頭，冇幾耐仲成為首幢裝咗升降機嘅建築物，真係唔簡單。只係到咗1926年，亦都因為正門電梯漏電起火，成間酒店就咁燒晒，1932年重建果陣就已經係告羅士打行。

咁到底呢間酒店當時有幾靚呢？《香港雜記》入面就有講「酒店以香港大酒店爲巨擘、其深處由皇后大道、通至海旁。樓設六層、內有餐房及波樓、往房多至百餘間、高矗青雲。登樓者、不異置身雲漢、亦且華麗異常。」

原圖嚟自網絡