喺1991年嘅5月、6月間,喺中國嘅華東一帶就發生咗一場嚴重嘅自然災害,先係有18個省同埋自治區發生水災,當中災情最為嚴重嘅就係安徵省同埋江蘇省,兩省加埋受災人口直達9000萬,農作物受災面積達到730萬公頃,超過200萬災民無家可歸。緊接水災而嚟嘅先係腸道疾病同埋瘧疾等傳染病,再之後就係旱災。

發生咗一場咁嚴重嘅自然災害,國際社會都有提供援助支援,至於喺1991年嘅7月27日,香港演藝界就舉行咗一場《演藝界總動員忘我大匯演》,為1991年華東水災災民籌款,成場活動喺跑馬地馬場舉行,長達七個鐘,參加嘅人唔少都係當時嘅名人就好似沈殿霞、黃霑、BEYOND、梅艷芳、溫拿、周潤發等等。據事後統計,由7月23日起,香港各界就掀起捐贈救助華東水災熱潮,十日之內籌款總額達到4.7億多港元,最後單單係民間就已經捐出6億,當時港府亦都捐出5000萬港元賑助華東災區。

原圖嚟自網絡