「麥卡錫主義」講啲乜？

剛才就同史友們介紹到美國冷戰時期嘅一位重要人物，第52任美國國務卿杜勒斯，而喺冷戰初期，美國本土都流行住一種好極端嘅主義，就係「麥卡錫主義」。

「麥卡錫主義」係由一位美國共和黨參議員約瑟夫·雷蒙德·麥卡錫提出，喺提出初期就好快喺被稱為美國第二次紅色恐慌時期（1940年代末至1950年代）興起並且流行，咁到底呢個主張係用嚟做啲乜呢？答案就係喺冇足夠嘅證據之下，都照樣去指控其他人不忠、顛覆、叛國等等嘅嚴重罪行，當中就指是「使用不公正斷言、調查方式，特別是對持異議者和批評者進行打擊」，呢個主義之所以盛行係由於當時美國社會被散播蘇聯間諜以及社會主義相關嘅謠言。

雖然呢個主義喺美國有一段時間興起得好快，但係去到1950年代中期就已經開始衰敗，最重要嘅原因係當時有唔少美國人都被指為共產黨人，被迫接受唔恰當嘅調查，儘管呢啲指控冇任何證據，但已經足以令到被控嘅人事業盡毀。眼見影響咁嚴重，當時第14任美國首席大法官厄爾·沃倫領導嘅美國最高法院就提出反對，終結咗麥卡錫主義。