喺港島北部,灣仔嘅一條街道上,可以睇到有唔少唐樓、士多、商店,名為春園街嘅呢個地方,曾經都係一個歐陸之都。

喺香港開埠初期,其實喺港島一帶嘅建築大多都幾簡陋,而當時古稱「下環」嘅灣仔,就因為一次投地被寶順洋行投中,並且由商人顛地主領管理事務,令到呢個地方以「春園」聞名。所謂嘅「春園」,其中一部分就係寶順洋行大班顛地邸宅,佢喺呢一帶建立咗花園洋房,環境優美,當時仲有一個泉水池,因為呢一片咁優美嘅景象,佢就將呢個地方命名做「Spring Garden」。本身中文譯名應該係「泉園街」,但最後就譯咗做「春園街」。

雖然「春園」當時真係好出名,但隨住寶順洋行生意慘談、顛地病逝英國,「春園」一帶就成為「大冧把」所在地同埋尋常百姓家。

原圖嚟自網絡