喺冷戰初期,有唔少印證呢場東西兩方陣營分裂嘅標誌性事件,其中一樣就係英國首相溫斯頓·邱吉爾喺美國發表嘅「鐵幕演說」,當中就係用鐵幕形容歐洲兩個陣營分別係東方陣團同埋蘇聯以及以北約為框架嘅西方陣營,但唔講真係未必知,最先講「鐵幕」嘅並唔係邱吉爾?

「鐵幕」作為一件事物嚟講,其質同早年德國嘅一樣強制性措施有關,由於早年嘅劇院防火工作做得唔好,一有火災就會好容易蔓延,所以喺劇院同舞台之間都係需要加裝鐵幕防火。

點知呢件簡單嘅物件,就被當時納粹德國宣傳部長戈培爾發表《1945年》文章入面用到,就指「如果德國人民放下他們的武器,根據羅斯福、邱吉爾和史達林的協議,蘇聯人就將控制歐洲東部和南部,包括帝國的大部分地區。在蘇聯控制的大片領土上,一副鐵幕即將降下,鐵幕後面所有的國家都會被屠殺」,當時呢位德國宣傳部長就已經意識到東西兩方「鐵幕」嘅形成。

而喺接近一年之後,呢個「鐵幕」嘅講法就由邱吉爾1946年3月5日提出,當時佢係咁講:「從波羅的海邊的什切青到亞得里亞海邊的的里雅斯特,一幅橫貫歐洲大陸的鐵幕已經拉下。這張鐵幕後面坐落著所有中歐、東歐古老國家的首都──華沙、柏林、布拉格、維也納、布達佩斯、貝爾格勒、布加勒斯特和索菲亞。這些著名的都市和周圍的人口全都位於蘇聯勢力範圍之內,全都以這種或那種方式,不僅落入蘇聯影響之下,而且已受到莫斯科日益加強的控制。」

雖然當時兩個國家嘅高官都提出呢個詞語,但早年反而唔係咁流行,直到冷戰升溫之後先被廣泛接受。

原圖嚟自網絡