繼續同史友們介紹西營盤一帶嘅歷史,如果大家有經過皇后大道西一帶,祇有都會見過一座歷史好悠久嘅建築,呢座建築物現稱西營盤賽馬會分科診療所。

呢所醫院位於西營盤皇后大道西130號,雖然望落都睇得出有返咁上下歷史,但呢座建築物係經過重建,大家可能都估唔到原來佢係幾時創立。最初嘅西營盤醫院唔係位於現址,而係一座兩層高嘅屋企,喺1849年創立。後來到咗1874年,經歷風災之後政府就借歐洲酒店嚟做醫院,未幾又遭受火災,只好遷到現址。現址就曾經係性病醫院,經過重建先改成國家醫院。

西營盤醫院係全香港第一間公立醫院,亦都係第一間非軍用醫院,主張用西方醫學去醫病。如果心水清嘅史友可能仲會知道,西營盤醫院仲有另一個名,佢嘅前身係叫做國家醫院,早年嘅病人都係以公務員為主,當然其他人都可以嚟到呢道就醫啦!

隨住更多公立醫院嘅設立,西營盤醫院就被取代,專門用嚟醫治傳染病,今時今日大家睇到嘅西營盤賽馬會分科診療所其實都喺經過分期重建。

原圖嚟自網絡