尋日就同史友們提到昔日春園街一帶都係由一位叫做顛地嘅商人所設立嘅洋房區,亦都因為佢嘅寶順洋行令到春園街一帶有過一段興盛嘅日子,咁阿史今次就同大家介紹下寶順洋行啦!

寶順洋行係十九世紀中葉喺中國最主要嘅英資洋行之一,佢有另一個名就係叫做顛地洋行,咁點解會叫寶順?最初係想取「寶貴和順」嘅意思,希望可以喺中國發展順利。同英資怡和洋行、美資旗昌洋行,寶順洋行同為當時嘅三巨頭,以販賣是鴉片、生絲同埋茶葉為主,全盛時期就曾經喺香港、上海、天津、台灣等地設立過商行。

呢間顛地洋行最初係喺1824年由英國人湯馬士顛地(Thomas Dent)掌管,後來另一位蘭斯祿·顛地嚟到廣州加入之後,原來嘅湯馬士顛地就喺1931年離開,蘭斯祿·顛地亦都成為當時好出名嘅鴉片商人。喺林則徐查禁鴉片果陣,仲曾經下令要捉拿顛地。

顛地並冇因為咁而失勢,反而喺鴉片戰爭之後,成個上海港大片土地都落入佢手中,亦都喺鴉片戰爭之後嚟到香港設立總部,成為香港首屈一指嘅洋行,主要從事鴉片輸入同埋轉口交易。但係,去到1860年代嘅倫敦金融危機出現,倫敦寶順洋行先後倒閉,上海同埋香港嘅寶順洋行亦都相繼結業,總行最後就決定遷到上海。

原圖嚟自網絡