「斬雞頭、燒黃紙」曾被法庭採用？

「斬雞頭、燒黃紙」以前成日都會聽到，甚至喺入面都見結唔少人結拜果陣都會咁做，但到底呢個儀式係做啲乜？點解香港開埠初期法庭仲曾經採用過？

所謂「斬雞頭、燒黃紙」其實係一個宣誓方式，喺華南地區最為常見，「斬雞頭」本嚟係水上人家經常用一個儀式，至於「燒黃紙」所燒嘅就係八吋乘六吋黃色祭神紙，做過呢兩個步驟對有相關信仰嘅華人嚟講就等同向神明宣誓。

咁點解呢個屬於民間習俗嘅儀式又會成為法庭嘅宣誓方式呢？原來香港開埠初期，絕少華人係信奉基督教，但上法庭又需要宣誓，要解決呢個問題，當時就採用華人嘅「斬雞頭、燒黃紙」，每位宣誓者要喺黃紙寫上自己嘅名同日期，保證自己唔會講大話。甚至有啲時候，成個儀式仲會去到上環文武廟進行，華人仲會請埋「神明」坐陣，認真誇張。