今朝阿史就同大家講到,早期香港嘅法庭就曾經採用過「斬雞頭」、「燒黃紙」嘅方式去處理部分民間糾紛,咁當時進行呢個儀式又會去咩地方呢?原來就係位處上環嘅文武廟。

上環文武廟,又叫做東華三院文武廟,係一座香港開埠早期嘅中式廟宇,而早期香港法制體制未完善嘅時侯,呢類早期廟宇就好有作用,專門用作調解同埋裁決華人之間爭議。

講返呢所廟宇,位於上環荷李活道,由文武廟、列聖官、同埋公所三座建築物組成,文武廟主要係供奉文昌同埋武帝,列聖官就係供奉諸神,公所就真係用來處理華人事務,據講呢系列係1847至1862年間由華人富商集資興建而成。文武廟係三進兩院嘅大型中式建築,飾有精緻陶塑,花崗石雕、木雕、灰塑、壁畫等,極具歷史價值。

咁可能大家會有個問題,就係文武廟點解會同東華三院有關?原來1980果陣,政府就制定《文武廟條例》,將文武廟交由東華醫院管理,每年都會到文武廟舉行秋祭典禮,酬拜文武二帝,亦都係一個華人昔日嘅傳統。

原圖嚟自網絡