愛德華時期英式學校建築—英皇書院

上回就同史友們介紹香港第一間官立學校，原名叫做中央書院嘅皇仁書院 (Queen’s College)，今次阿史就想講下一間位於西半山般咸道嘅傳統名校，英皇書院（King's College）。

呢間以紅磚築成嘅學校係香港現存歷史最悠久嘅官立學校，同時都係戰後第一間全日制嘅中學。英皇書院前身係政府喺1857年所設立嘅西角官學堂同埋1879年所設立嘅西營盤官學堂，兩間學堂去到1926年就被升格做英皇書院，並且參照咗中央書院嘅學制，所以中央書院當時被稱為「大書院」，而英皇書院就叫做「新書院」嚟區分。

西角官學堂同埋西營盤官學堂嘅校舍就已經唔存在，今時今日英皇書院所用嘅校舍就係1923年興建，當時被評為「最優良、最新式的校舍之一」。1920年代嘅校舍到底有咩設施呢？據相關記錄，原來當年呢就有「教室29間、諸高班實驗室2間、禮堂和畫廊各1座，以及北翼大樓的圖書館、收藏館各1座」。而且，仲有地理室、沖曬房、美術室及健身室各1間。最估你唔到嘅係，除咗體育場，呢道仲設有戲院同埋香港最早期嘅校舍泳池