記得好多年之前阿史就曾經去過北京嘅首都博物館參觀，當時館內就展出咗唔少珍貴嘅文物，當時就聽到導賞員提到一個好特別嘅詞，叫做「景泰藍」，到底呢隻係乜嘢顏色呢？

景泰藍，俗稱叫做燒青，學名就比較複雜，叫做銅胎掐絲琺瑯。呢種被認為係金屬胎嵌搪瓷工藝入面特別嘅手法，盛行嘅明朝景泰年間，所以就有被雍正賜名「景泰藍」呢個講法。亦都有另一個講法係話，景泰藍原本叫做「景泰琺瑯」，後來就因為用到嘅搪瓷釉料經常都係藍色，所以就叫做「景泰藍」。

無論個叫法係點，呢樣都係一種當時好流行嘅工藝，初期係由宮廷監管下製作，直到19世紀先開始流入民間，但最後又因為功序太繁複而頻臨失傳，到底「景泰藍」係點樣整出嚟呢？

原來製作嘅過程真係好多步驟，先由以青銅或紫銅製胎，再將細銅掐絲成各種花紋、用900度高溫燒焊、以鉛丹、硼酸鹽、玻璃粉等物料組成嘅琺瑯點藥、再加上燒藍、磨光和點金等步驟，聽到都得人驚，難怪會被列入中國國家級非物質文化遺產。

原圖嚟自網絡