早幾日就同史友們介紹完「三教九流」之後,見到有史友留言話想知埋「五行八作」點解,咁就當然冇問題啦!

「三教九流」就係指緊三種宗教同埋九種學術流派,至於「五行八作」就係指緊各行各業。「五行八作」呢詞據講就係源自南宋,提到「五行八作」比較出名嘅一個引用,就係老舍嘅《龍須溝》,當中就寫到一句「五行八作,就沒你這一行。」就咁睇呢句好似係泛指各行各業,但原來係可以有所指。首先「五行」就係指車行、船行、店鋪行、腳行、衙役行;至於「八作」其實就係金匠、銀匠、銅匠、鐵匠、錫匠、木匠、瓦匠以及石匠,就咁睇咩真係唔知好知係指緊邊種行業!最初嘅呢啲詞語都只係中性詞,後來就被唔少通俗嘅作品引用,先令到佢哋有啲貶義嘅色彩。

原圖嚟自網絡