剛才就史友們講到日本同美國之間六、七十年代曾經都有過一場貿易戰，故事嘅背景就係日本同美國之戰有住巨大嘅貿易逆差，美國境內經濟不景再加上失業等問題，美國國內甚至因為緊縮政策而出現匯率高漲以及通脹等問題，當時美國唔少企業都將責任歸咎於日本企業，仲出現埋「貿易保護主義」。

面對住嚴重嘅貿易逆差同埋國際財政赤字，當時美國政府除咗轉行寬鬆嘅貨幣政策防止美元危機爆發，仲要諗方法協調美元貶值呢個現象。1985年9月22日，以美國為首傳統嘅資本主義強國英國、法國同埋德國就同日本喺美國紐約廣場飯店簽咗一份未來令到日本經濟低迷超過二十年嘅條約，呢份就係著名嘅《廣場協議》。

到底協議內容係講啲咩會令到當時經濟咁強嘅日本受到打擊？呢份協議嘅內容係想聯合干預外匯市場，令到美元對日元嘅匯率可以慢慢下調，從而解決美國國內經濟問題。結果協議簽訂之後，國際外匯市場大量拋售美元，美元持續大幅度貶值，而日元最初就大幅升值。但點知去到協議宣佈之後，一年之間美元兌日本就由原本1：250跌到去1：150左右，呢個舉動令到日元出口再無競爭力，變成單方面嘅入口市場。

日本產品出口受到嚴重打擊，結果日本當局就要補貼出口產業，但就令到市場資金過剩，再加上炒賣房地產、股票等問題，泡沫經濟就喺1989年去到頂端，國內再無實業支持經濟發展，原本嘅房地產、股票全部下跌，日本經濟亦開始步入嚴重衰退，迷失至少二十年。

原圖嚟自網絡