講到上世紀日本同西方國家比較轟動嘅一件事，絕對就係喺泡沫經濟爆發之前，喺冷戰期間日本東之機械夥同幾間企業，違反主張「限制成員國向社會主義國家出口戰略物資和高技術」嘅巴黎統籌委員會協議，偷偷地向蘇聯出口一種叫做九軸聯動數控工具機，到底呢件事點解會喺當時令到美國咁大反應呢？

喺1987年3月，就有朝日新聞最先報導東芝機械喺1982年12月至1984年間，偽做咗一系列出口許可申請書暪過咗日本經濟產業省，以零件嘅形式，並且串通挪威康士堡公司同埋十幾間日本企業，將九軸聯動數控工具機扮做大型兩軸聯動立式車床，出口畀蘇聯技術機械進口公司。舉報呢件事嘅其實係日本和光貿易公司嘅一位前莫斯科分部負責人，結果就令到日本警視廳對東芝搜查，並且逮捕兩名東芝機械高層，更加禁止未來一年向東方國家出口任何產品。東芝嘅負責人亦都受到嚴厲懲處，事後仲用咗當時成億日元喺50幾個國家登「謝罪廣告」。美國國會議員仲嬲到喺國會大廈前象徵性用大錘打爛一部東芝RT-6016型收音機，更直指呢次係「家賊事件」。

可能有史友會問，點解賣個九軸聯動數控工具機畀蘇聯會令到西方世界咁大反應？原來呢樣技術係可以令到原本出名噪嘅蘇聯潛艦大幅降低噪音，令到當時美軍進行反潛作戰嘅難度大大增加，如果打起仗上嚟就真係大件事。

原圖嚟自網絡