講到美國同蘇聯昔日响世界爭霸,乜都要鬥一餐,其中航天科技就係鬥到你死我活嘅一環。眾所周知美國响六七十年代太空航天科技好厲害,而蘇聯都曾經投入龐大資金响太空科技度,包括製造往返太空嘅穿梭機。

响上世紀七十年代,蘇聯就曾經有一個穿梭機開發計劃,最終製造咗暴風雪號太空穿梭機。而呢架穿梭機據聞係蘇聯間諜用盡方法响美國個邊偷取穿梭機機密資料,再帶返去蘇聯。經過十幾年研究同製造,暴風雪號响八十年代出現,仲响1988年首次試飛成功,响無人駕駛狀態下成功响外太空圍繞地球飛咗兩個圈,並成功著陸。

可惜嘅係,暴風雪號首飛後,用响呢個計劃嘅資金耗盡,因為開發航天飛機系統本身就花咗13億盧布,整個項目駛咗200億盧布。而隨著蘇聯响1991年瓦解,暴風雪計劃就咁結束。

講多句,前幾年好似有香港人去咗哈薩克拜科魯爾星城發射場(個度係軍事禁區),仲影低咗封塵嘅暴風雪號穿梭機。

原圖嚟自網絡