之前介紹孫中山先生嘅事果陣,就提到四大寇同伙嘅關景良醫生,唔講唔知,原來關景良係出生自一個醫護世家,佢爸爸關元昌就更加巴閉,直頭被譽為係「中華牙醫鼻祖」,今次阿史就同大家介紹下呢位傳奇人物。

關元昌出生喺廣東番禺一個基督教家庭,之前就同大家介紹過中國第一位基督教華人牧師梁發,其中關元昌嘅爸爸關日就係梁發所教導嘅。喺第一次鴉片戰爭之後,關日就帶同全家移居到香港,當時關元昌並未學習牙醫,只係去到倫敦會所設立嘅英皇書院入面學習印刷工作先。咁佢又係點樣踏上牙醫之路呢?

原來有一場關元昌就識到一位美籍嘅牙醫同時都係西方教士,仲跟埋人地學習西方嘅牙醫技術,西式鑲牙。經過一段時間之後,佢學成師可以註冊做第一位華人牙醫。唔單止咁,去到1870年代佢就先返到廣州執業,後來定居香港,繼續行醫。除咗行醫,佢仲好熱心教會事務,例如參與過道濟會堂建立嘅工作,又幫過佑寧堂遷建。

佢同妻子黎亞妹一共育有十個五個女,當時唔少都係從事醫護工作,黎亞妹其實都有唔少故事可以講下,仲係孫中山嘅老師,下次再同大家介紹下啦!

原圖來自網絡