「三趟快車」供港食物

一直以來，內地為香港每年供應食物呀水呀呢啲物資，雖然每年從外國進口到香港嘅食品都唔少，但內地供應對香港而言係非常重要。咁史友又知唔知，內地輸港物資，其實都有段故講。

响1962年，國家對外經濟貿易部同鐵道部為適應供應港澳鮮活商品「優質、適量、均衡、應時」嘅要求，共同開創編號為751、753及755三趟「快車」，分別自上海、鄭州、武漢三地出發，每日滿載供港鮮活商品，經深圳運抵香港。由於「定期、定班、定點」每日開三班，所以都習慣稱之為「三趟快車」。

「三趟快車」供港食物，一方面係國家為咗保證供港澳農副品穩定，成為咗一項基本政策。另一方面，响六十年代至八十年代，「三趟快車」就成為咗國家賺取外匯嘅其中一個重要渠道。