日本向同盟國無條件投降

喺75年前嘅今日，係第二次世界大戰太平洋戰場入面，日本正式宣佈向同盟國無條件投降，並且喺1945年嘅9月2日舉行投降儀式以及簽署降書。

日本係軸心國入面最後一個投降嘅國家，其實早喺1945年7月日本嘅海軍就已經再無能力執行任何戰鬥任務，與此同時仲受到同盟軍展開大規模轟炸，包括東京大轟炸以及被中斷嘅「沒落行動」計劃。雖然日本政府當時就公開表示會繼續堅持作戰，但私底下就已經搵定蘇聯希望佢哋可以保持中立。

直到1945年8月6日同埋8月9日，美軍就喺廣島同埋長崎分別投射兩枚原子彈，與此同時蘇聯亦都喺8月8 日晚上廢止《日蘇中立條約》並且展開《雅爾達協定》，進行名為八月風暴嘅行動，迅速佔領日本殖民地關東州以及掌管滿洲地區傀儡政權滿洲國等地。面對住以上兩個嚴重打擊，日本昭和天皇就喺8月14日決定要求軍事參議官會議接受美國、英國、中華民國同埋蘇聯喺《波茨坦公告》入面所訂嘅停戰協定，並且決定喺8月15日日本標準時間中午12點發表《終戰詔書》，向同盟國無條件投降。