日皇投降竟然係用特別語言？

早幾日阿史就講到日皇喺宣佈日本投降當日，係以「玉音放送」嘅方式去宣讀《終戰詔書》，當中用到嘅詞就比較取巧，係用「終止戰爭」而唔係「投降」，而且更加重要嘅係，當時「玉音放送」日皇所用到嘅語言竟然唔係一般民眾用嘅語言？

天皇之音被稱為「玉音」，與此同時天皇呢次廣播所用嘅語言亦都係比較奇獨，係一種有獨特語調、發音上同傳統日語有分別被稱為「鶴音」嘅語言，係少數皇族成員同埋天皇專屬翻譯官先會識同埋運用，而呢種語言如果書寫出嚟就會變到又有古漢語文言文語法，同時又混集日語。

日本天皇喺民間有住神聖嘅地方，呢次亦都係日本人第一次公開聽到天皇嘅聲音，但亦都係因為咁，長久以來對天皇嘅神秘感亦都消失。咁點解日皇要用呢種特別嘅語言嚟讀《終戰詔書》？歷年最主流嘅睇法就覺得，呢種係一種小手段，用嚟模糊同埋規避各種戰爭責任，喺二戰仲裁入面日皇仲利用呢點嚟幫自己脫罪。