2010年8月23日 馬尼拉人質慘劇

雖然事件過咗去十年，但唔少香港人都忘記唔到呢宗慘劇。

2010年8月23日，菲律賓首都馬尼拉發生一宗挾持人質事件。前警員門多薩強行登上康泰旅行社嘅旅遊巴，挾持車上嚟自香港嘅遊客同領隊為人質，要求菲律賓政府恢復佢嘅職務。最初門多薩先後釋放咗9名人質，但事件持續近十個鐘後，門多薩同警方談判破裂，門多薩射殺車上人質，而菲律賓特種武器同戰術部隊決定強攻旅遊巴，用咗超過1小時先至將門多薩擊斃。呢宗慘劇有8名香港人質死亡、7人受傷。事後各方指責菲律賓當局响整件慘劇當中反應過慢導致拯救失敗。

慘劇發生後，時任總統阿基諾三世並無為呢宗慘劇道歉，更响採訪當面帶微笑，因而飽受批評。直到2018年4月，菲律賓總統杜特爾特以總統身分，正式就2010年馬尼拉人質慘劇向香港人道歉。