就算阿史唔講可能都有唔少史友知道,九龍塘有唔少以英國著名地點命名嘅街道,但如果講到鴨脷洲,史友們又知唔知鴨脷洲有條「倫敦里」呢?

鴨脷洲最早有居民居住嘅地方當然就係鴨脷洲大街,呢道亦都係最早期嘅道路,早喺明朝粵大記入面就已經有相關嘅記錄。喺香港開埠之後,呢個地方就多咗一條主要嘅道路,咁到底有幾重要呢?就係重要到要用埋英國首府倫敦嚟命名。當時嘅倫敦里就喺鴨脷洲大街旁邊,直接通往倫敦碼頭,附近仲有船廠、油站同埋各式商鋪,相當興盛。如果有史友去過鴨脷洲仲見過倫敦里,可能就會發現點解倫敦里會變到得返條巷仔嘅?

原來去到1980年代,鴨脷洲北岸進行填海工程,令到呢條道路已經受到影響,再加上1998年悅海華庭落成之後,成條倫敦里就得返24米,長度上嚟講就係全香港第三短嘅街道。

原圖嚟自網絡