近年，新界六日戰呢件歷史事件愈嚟愈受到關注，唔少人都對呢段歷史作更深入研究。

1899年4月，英國試圖接管新界，於是鄉紳帶頭組織起嚟反抗。咁點解新界鄉民會對英國管治咁抗拒呢？其中一個原因就係英國通過《展拓香港界址專條》租借新界，令佢哋擔心英國人奪走佢哋賴以生存嘅土地，於是以屏山鄧氏為首嘅各大氏族奮起反抗。呢場「戰爭」由1899年4月14日開始，至19日結束，歷時六日。最初鄉民用重炮猛轟大埔英軍兵營，接着响林村山谷伏擊英軍，雖然鄉民保鄉衛族表現英勇，無奈武器裝備都遠不及英軍，最終不敵，至少五百名鄉民犧牲，史稱「新界六日戰」。

原圖嚟自網絡