神秘消亡嘅古國——古滇國

早排就同史友們講完古蜀國嘅一啲趣聞故事，既然大家對消失嘅古國咁有興趣，阿史就再同大家介紹下其他嘅古國啦，今次就講下古滇國。

滇國係由莊蹺喺公元前227年建立，佢嘅國土範圍就係西南邊彊地區，亦即係雲南中部同埋東部，主要人口就以古代濮人組成。歷史上嘅記載就發現呢個國家由戰國初期出現去到東漢初年消失，關於呢個國家嘅歷史，雖然已考古學家已經喺接近40個滇文化遺址發掘超過半世紀，但當中唔少都仲係一個謎，目前就只係通過考古發掘知道呢個古滇國嘅彊土係「東至陸良、瀘西一線，西至安寧、易門一帶，北到昭通」。

古滇國係一個戰國時期形成嘅國家，莊蹺最初係受命楚頃襄王帶兵征服了黔中、夜郎、滇等地區，但點知後來返去楚國嘅路就被秦國攻佔，莊蹺只好自封為王。後來滇國就先被秦國擊敗，一度積弱。去到漢朝，滇國就曾經嘗試幫漢武帝通西域，後來又差啲被漢武帝討伐，最後只好舉國降漢，滇王就被授予「滇王之印」、滇國就成為益州郡管轄。