古物諮詢委員會就會喺今個星期開會,當中就會為三個收到反對意見嘅項目評級,呢次會議預計會將中環畢打行訂定為一級歷史建築,阿史今次就同大家介紹下啦!

相信喺中環出入嘅史友們都會見過呢座地標,畢打行以前又叫做必打行,早喺1923年由巴馬丹拿建築工程事務所(Palmer & Turner,前稱公和洋行)設計建成,同期嘅建築仲有華人行以及皇后戲院,而畢打行就係成條畢打街僅存嘅戰前建築。

呢座歷史咁悠久嘅商業建築採用新古典主義建築風杏設計,拱形門廊、柱式騎樓同埋雕刻都係當年嘅主要特色。畢打行原本由蘇錫忠先生擁有,1926年就轉讓畀伍華先生,1962就由霍英東購入,一直保留至今。呢座建築曾經由洋行租用,戰後就曾經進駐好多間銀行,仲做過品牌服裝店,現時就已經係二級歷史建築。

原圖嚟自網絡