911恐怖襲擊

2001年9月11日，呢個日子相信唔少人都仲記得，因為呢一日發生咗一次震驚全球嘅恐怖襲擊事件。

响當日美國東部時間早上8點46分，一架被騎劫嘅客機撞向美國紐約世貿中心北座大樓，十幾分鐘之後即上午9點03分，另一架被騎劫嘅客機撞向美國紐約世貿中心南座大樓，當時電視台仲直播緊北座被撞情況，點知直播到南座大樓被撞，呢個畫面唔少人都難以置信。後嚟世貿中心南座同北座大樓因爆炸產生嘅高熱，導致兩座建築結構受損，最後响兩小時內倒塌咗。

除咗襲擊世貿嘅兩架客機，恐襲中仲有另外兩架客機被騎劫，第三架客機撞落國防部嘅五角大樓；第四架被騎劫客機嘅乘客同機組人員嘗試搶返飛機嘅控制權，最終飛機响賓夕法尼亞州嘅田野墜毀。