1956年9月13日,對今日大家嘅生活嚟講,呢一日都係好特別嘅一日,今日今日隨便一部手機或者一隻「手指」都講緊十幾GB容量嘅時候,大家又估唔估到世界上第一隻嘅硬碟有幾大呢?

喺1956年嘅今日,IBM隆重向外界介紹最新嘅商用電腦,當時呢部電腦係連埋個硬碟貯存裝置,就即係世界上第一塊硬碟RAMAC 350,佢嘅容量真係嚇人一跳,係有5MB啊!5MB係一個咩概念?即係一首歌或者高清少少嘅相都未必放得落。雖然佢嘅容量係咁細,但體積同埋花費絕對唔係同一回事。

當年呢隻IBM RAMAC 350重量有成一噸,長152公分,高173公分,深74公分,內部係由50隻24寸直徑約60公分嘅磁碟組成,唔講發明費用,淨係去營運佢每年就已經需要3萬5千蚊美金,真係誇張!

原圖嚟自網絡