提起可以望到海景嘅公共屋邨，相信唔少史友們都會即時諗起華富邨，但類似嘅屋邨又點止一個，油塘邨亦都可以做到呢件事。

位於油塘站嘅油塘邨，舊稱就叫做油塘灣徙置區，以前呢道喺1964年到1971年間就分階段興建咗23座徙置大廈，主要就係以第三型以及第六型為主。咁舊油塘灣徙置區早年興建嘅時候，就由於附近係機場嘅關係，樓宇高度受到限制。但隨住機場嘅搬遷同埋人口嘅增長、再加將軍澳線鐵路計劃嘅發展，當時港府就決定喺1993年到1999年間逐步重建徙置區。

相信唔少史友都會有印象，其實本嚟油塘邨可以比較快落成，但就因為要配合鐵路工程，令到油塘邨可以喺油塘站上蓋，於是成個工程就足足等咗5年先至落成，唔少居民亦都冇得原邨安置。

油塘邨最尾就喺1998年7月開始動工，重建之後嘅油塘邨共設五座，分別喺2000年同埋2002年落成，最高去到40層，所以係可以見到部分維港景色。油塘邨由屋邨、油塘站、再去到商場都由有蓋行人道連埋一齊，真係相當方便。

原圖嚟自網絡