立法局首次直選

1991年9月15日，當年嘅今日其實就係香港歷史上第一次嘅立法局直選，又被稱為「九一直選」。

繼1985年嘅間接選舉之後，香港嘅政制發展踏入急速嘅發展，喺當年嘅今日，立法局入面嘅18個議席就展開首次嘅直接選舉。作為第一次嘅選舉，呢次嘅投票率就接近40%。喺呢次選舉入面，係採用「雙議席雙票制」，將全港分成9個選區，而每個選區又會選出兩席，即係每個當區居民可以選擇兩個候選人，又叫做「一人兩票」制。呢次選舉另一個特色就係選舉制度係採用簡單多數制度，每區最高票數嘅兩個候選人就會當選。

而喺呢次選舉入面，港同盟就取得當中12個議席，成為當時嘅第一大政策。