柏林封鎖與柏林空運

早幾日就係東西德簽署統一方案嘅30周年，呢一日對於唔少德國人嚟講都有住特殊嘅意義。喺1945年8月2日嘅波茨坦協定簽訂之後，德國就逐步分成兩個部分，西德就係由美、英、法三國合併管理；至於東德就係由前蘇聯負責。

喺二次世界大戰結束之後，冷戰亦都隨即展開，前蘇聯同埋西方國家嘅關係亦都逐步惡化。喺1948年2月，美、英、法為首嘅六國就召開外長會議，會上就宣佈會將佔德區協調經濟政策，仲會建立西德國家，並且進行新貨幣改革；蘇聯一知道呢個消息，就即時提出抗議，覺得呢三個國家想分解德國，於是就喺用年6月24日全面切斷西佔區通往柏林嘅水陸交通，淨係留返空中嘅通道，史稱柏林危機。

美、英、法三國當然知蘇聯咁做嘅目的係想迫佢哋交出佔領區，而佢哋當時嘅對應措施就係以英、美為主導，展開史上最大規模嘅一次空中運輸行動「柏林空運」。「柏林空運」最大嘅目的就係想向西德地區提供物資，當年空運以英國皇家空軍同埋美國空軍為主、澳洲、加拿大都有參與，據統計就喺一年之內進行咗278,228次飛行，為柏林提供2,326,406噸物資，認真誇張。