早排阿史喺介紹到古蜀嘅時侯就講到三星堆,喺呢個由三個黃土堆相連嘅遺址入面,就出土過大量陶器、石器、玉器文物等,足足分到五個文化層。唔講真係唔知,雖然現時嘅三星堆博物館已經好精彩,但三星堆遺址根本仲未發掘完,只係完成咗當中嘅兩大祭祀坑發掘,話口未完就喺37年之後嘅今年重新展開發掘工作。

喺今年嘅9月,三星堆遺址考古發掘與研究咨詢會就再次召開,表明會重啟發掘。雖然一號祭祀坑同埋出土「青銅神樹」「縱目青銅面具」嘅二號祭祀坑有接近二千件文物,但仍然都解唔開古蜀國嘅謎團。而今次嘅發掘重點,係經過研究一號、二號祭祀坑之後,根據當中嘅空間格局,去搵出「三號坑」。據講依家目前就已經證實到呢個坑存在,考古學家仲估計三號坑出土嘅器物好有可能比前兩個坑更加原始,唔少器物仲可以係二號坑放唔晒先放到三號坑,到底仲會唔會有傳國寶器呢?真係好令人期待!

原圖嚟自網絡