1988年9月18日，對屯門居民嚟講係好特別嘅一日，事關輕鐵第一期當年今日正式通車。

雖然今時今日嘅輕鐵運作算正常，但早年就真係發生唔少意外喇。輕鐵嘅第一期系統係由九廣鐵路公司以10億港元批出畀禮頓建築-MTA，原計劃就係要喺3年內起好一條全長23公里並且有由澳洲Comeng生產嘅 70架輕鐵列車，計劃就喺1985年8月7日正式展開，原本就應該喺1988年8月8日正式通車。

點知中途都係發生唔少意外令到輕鐵第一期要去到9月18日先通到車，其實雙方都做過唔少措施去保障呢件事可以順利，例如就有九鐵喺合約入面就有訂明不論有任何工業行動或者其他因素，財團都需要喺8月8日完成所有工程，如果有延遲，每日就會罰款62萬，當時仲要求過澳洲工會簽埋工作聲明，Comeng製造屯門輕鐵列車期間唔可以有任何工業行動阻到列車製造，認真嚴謹。

雖然係咁，但製造輕鐵列車嘅澳洲方面都係照樣發生工業行動同埋罷工，冇幾耐又因為九鐵提供嘅列車設計圖出咗問題而令到列車通過唔到負重測試。最後，Comeng都可以喺限期前交到所有列車嚟到屯門車廠，點知喺香港實測嘅時候列車又發生唔少意外，仲出過人命傷亡，先至令到第一期輕鐵去到9月18日先通車，成件事真係一波三折！

原圖嚟自網絡