史友們有睇過金庸嘅《天龍八部》同《射鵰英雄傳》，都知道大理段氏唔單止係統治大理國，而且段氏個個武功高強，又一陽指又六脈神劍。不過史友們都應該知道，呢啲都係金庸筆下創作出嚟嘅嘢，咁真實歷史當中，大理國同段氏又係點嘅呢？

歷史上嘅大理國，係建於十世紀，十三世紀亡國，中間就曾出現內亂而斷絕過幾年。大理國位於依家雲南一帶，以大理城為首都中心。公元937年，由段思平建國。段思平出身將門，原為南詔武將，後嚟舉兵消滅滅大義寧，建立大理國。呢個國家同《天龍八部》所形容一樣，都係尊崇佛教，而唔少大理皇帝退位後都係出家為僧。至於《天龍八部》中出現嘅角色段正淳，响歷史上就真有其人。不過，佢就唔係大理國鎮南王，而係真係大理國皇帝。至於佢個仔段和譽，亦係《天龍八部》段譽嘅原型。

呢個國家維持咗三百年國祚，最後就俾忽必烈响1253年消滅咗，之後建雲南等處行中書省，而原來大理國段氏皇帝就被任為世襲嘅大理總管。

原圖嚟自網絡