早幾日阿史就介紹到黃竹坑舊圍同埋新圍嘅歷史,附近嘅壽臣山就係因為早年傑出嘅華人領袖周壽臣出身喺新而命名,而喺港島南區仲有唔少得意嘅地名可以同大家考究下!

先唔介紹布廠灣到底係咪真係有布廠,就畀大家估下附近嘅石排灣同埋田灣先!石排灣當然就係同石材有關,但呢度嘅石材並唔係單純入口,早年其實係專門出口去珠三角洲,一堆堆等住船隻運送嘅石材,就令到香港仔嘅呢個岸邊被稱為石排灣。至於田灣就係喺香港仔西面,昔日就有唔少船隻停泊,但因為泥沙淤塞而慢慢被開闢為農田,所以叫做田灣。

阿史當然唔係冇啦啦提以上呢兩個地方啦,以上兩個地方其實都係同香港仔嘅發展歷史有關,由原本漁業、農業、航運,後來仲去到工業。喺深灣同埋大樹灣之間嘅布廠灣其實真係有布廠,亦都因為咁而得名,目前仲有唔少船廠都仲保留喺度。而呢個見證住南區歷史發展嘅地方,可能就會被一個「漁人碼頭」計畫改變,以傳統漁村風貌為主題,唔知又會發展成點呢。

原圖嚟自網絡