早排喺河南省三門峽市就有一個發掘現場搵到發掘到一個好特別嘅出土器物，成個形狀就係一個鵝首曲頸嘅青銅壺，如果就咁講件器物可能唔算太特別，但原來呢件青銅壺內部間藏玄機。

傳世嘅青銅器大家可能都見唔少，但器物內部仲保留住當年嘅酒，呢樣就真係好少見喇！呢個造型姿態相當優美嘅青銅壺入面就被發現，原來仲保留咗超過3公斤嘅不明液體，當時已經引起唔少學者關注。中國科學院大學研究人員對呢3公斤液體取樣檢測，經過化驗之後就發現原來呢啲液體係西漢早期嘅古酒。學者進一步對照返馬王堆漢墓出土醫學方書《五十二病方》，就發現呢類古酒係可以用嚟止血消炎。

每當有呢啲古酒出土，都會有網民話想試一啖睇下係咩味。而考古研究所亦都解答咗呢個問題！呢啲青銅器內部嘅古酒出土果陣係呈黃褐色，而且有唔少雜質，酒香一早就已經冇晒，只係得返泥土嘅味，簡單嚟講就係唔開胃喇！

原圖嚟自網絡