由大埔揸車去新界北、途經埋沙田同埋大埔,史友們第一時間都會諗起香港9號幹線嘅一部分——吐露港公路。喺1985年9月25日,當年嘅今日就係呢條公路建成嘅日子。

唔講真係未必知,原來吐露港公路係香港首條標準快速公路,全線都係以三線同埋四線嘅雙程快速公路為主,全長有成11.3公里。

要介紹呢條就要由兩段講起,吐露港公路由沙田馬場開始,沿住吐露港西岸有接近7公里嘅路段係係海堤邊,景色嚟講真係幾怡人。而另外一段就係由元洲仔經大埔山坡繞過大埔新市鎮至泰亨鄉嘅呢段路,全長就有4.3公里,由於係喺山谷之中,當時興建果陣係用咗一種特別嘅建築方法「分段曳進法」,係要用橋樑方式興建,咁先可以喺唔使用重型機器嘅情況之下建成。

呢條公路通車果陣就只要係三線雙程分隔公路,咁點解又會有四線出現呢?原來由馬料水去到元洲仔呢一段路,車流量比較大,塞車嘅情況都不時發生,於是當局就喺2003年擴闊馬料水至元洲仔嘅路段,令到呢條路段全日可以應付到10萬架車;喺2014年嘅時候亦都喺元洲仔至粉嶺公路進行另一次擴建,所以其實吐露港公路就嚟全面都係四線行車架喇。

原圖嚟自網絡