今日係國慶嘅大日子！仲要係中秋節，最緊要係連放幾日假（連埋周六周日），真係爽。

今時今日國慶就係公眾假期，但响以往英治時期，十月一日就只係被當成普通日子，如果係平日大家都要返工返學照常生活。不過，以前都唔係無國慶氣氛，好似好多中資機構，以往就响國慶前做好晒慶賀國慶嘅佈置。好似中環嘅中國銀行總部咁，就會响國慶前掛滿晒國慶裝飾。另外，國貨公司個啲都會有特別減價賀一賀佢。睇返張相，响當時英國人話晒事嘅日子，仲要响中環呢個洋人洋企主導嘅地方高調賀國慶，都真係幾型。

原圖嚟自網絡