三年零八個月嘅香港受到好大規模嘅破壞,「歸鄉政策」令到香港人口跌到新低,適學兒童大部分失學,饑荒餓死嘅市民亦都不計其數,唔少公共設施都被嚴重破壞,市民生活根本無以為繼。唔講真係唔知,原來當年嘅獅子山亦都因為一個原因令到山上林木被砍伐一光。

要知道香港忽然嘅物資短缺係因為日軍將唔少香港儲蓄嘅資料例如糧食、金屬等運晒返日本,同時無晒海外進口,一踏入冬天,有種情況就必定會出現。當時嘅供暖系統同埋市民保暖都唔理想,市民就只好燃點柴薪取暖,但冇木柴入口就只好用家具嚟充當,而唔好彩果幾年冬天又特別凍,唔少無人看守嘅建築物,好似港大、英皇書院校舍內部嘅木製品都畀人拎走晒。到木製品都再搵唔到嘅時候,就有人開始上獅子山砍伐樹林,唔使好耐,就連獅子山嘅林木亦都冇咗大部分。

原圖嚟自網絡