早幾日就有單大消息，就係美國總統特朗普證實染上新冠肺炎，全球震驚，呢件事就令阿史諗起一個美國早年好流行嘅傳說「特庫姆塞詛咒」，當中就係講緊特庫姆塞預言每隔20年，必有一位美國總統死响自己任期之內。而相關嘅預言又點止一個？今次阿史就同大家介紹下另一個預言啦！

心水清嘅史友應該都會知道阿史係想介紹保加利亞盲眼「神婆」，佢全名其實係叫做巴巴．萬加，佢係保加利亞盲人預言家，因為通過預知夢方式講出高準確預言而出名。據講佢之所以有呢種能力，係因為細個果陣喺一場大風暴當中失明，並且慢慢可以睇到「幻象」、預測未來，而佢喺1996年就已經過咗身。

咁到底龍婆生前預言過乜呢？據早前嘅講法，佢生前就曾經講出過911恐攻、庫爾斯克號核子潛艇沉船、IS崛起、英國脫歐等事件，而佢身邊嘅追隨者仲話，龍婆仲曾經講過「The corona will be all over us」，聽到都真係嚇親。關於美國總統，佢就曾經預言過，美國第45任總統將遭致命病毒襲擊，導致失聰或留下腦部殘疾，而咁岩第45任總統就可以算係特朗普……

原圖嚟自網絡