懷仁堂事變 粉碎四人幫

1976年10月6日，即係44年前嘅今日，北京發生咗一件影響深遠嘅事件，就係懷仁堂事變。

自1966年起，內地就發生咗文化大革命，發展至中晚期以江青、張春橋、姚文元同王洪文為首嘅四人幫掌控咗政權，特別係毛澤東响1976年去世之後，中國共產黨黨內出現權力真空，四人幫想進一步奪權，結果華國鋒、葉劍英、李先念、汪東興等人決定响十一國慶採取行動。

10月6日，華國鋒以討論《毛澤東選集第五卷》的名義，召集王洪文、張春橋、姚文元在懷仁堂開會，三人先後抵達就分別被捉住，宣佈被「隔離審查」，而江青亦响中南海住所內被「隔離審查」，佢哋嘅黨羽都陸續被拘捕。當晚華國鋒同葉劍英就召開中央政治局緊急會議，宣佈成功粉碎四人幫。