尋日阿史借電影《奪冠》介紹咗中國女排响八十年代嘅輝煌歷史,而响呢套電影裡面就有情節,就係响京奧中郎平率領美國女排擊敗咗中國女排。而呢一場比賽响08京奧中亦係相當經典。

响2005年,郎平獲邀擔任美國女排主教練,當時美國女排嘅目標只係打入2008年北京奧運,响郎平帶領之下美國女排亦擠身京奧決賽周。而响分組賽當中,佢帶領嘅美國女排就要同中國女排對壘。當時嘅中國女排,係由陳忠和為教練。响郎平做球員嘅時代,陳忠和就係中國女排嘅陪打教練,佢哋兩個係老相識,九十年代又一齊响中國女排合作過。所以,當時京奧呢排中國對美國嘅分組賽比賽份外矚目。結果,郎平呢位中國女排名宿就帶領美國隊,以盤數3比2擊敗咗中國隊,响《奪冠》當中呢一場比賽重要情節之一。不過,响電影裡面就無陳忠和呢個名字出現,因為佢本人不滿影片對佢有所醜化,所以黃渤演嘅角色,就稱為「教練」。

但响現實當中,郎平帶領美國隊擊敗中國隊之後,就惹嚟內地唔少網民批評,不過郎平就話執教美國隊只係一份職業,並唔係為咗擊敗中國隊。

原圖嚟自網絡