深圳機場原本叫「黃田」？

今年係深圳特區成立四十周年，而响呢個特區當中，深圳機場就一直扮演住對外交通樞紐嘅重要角色。唔經唔覺，今日就係深圳機場投入使用嘅29周年喇！

响1991年10月12日，深圳機場正式投入使用，亦係當時國內建設速度最快嘅機場，首班航班係由南方航空由深圳飛往北京嘅航班。不過，深圳機場最初唔係用依家「深圳寶安國際機場」呢個名，而係叫深圳黃田機場（1993年有國際航班後就改名做深圳黃田國際機場）。至於點解叫黃田係因為機場所在地原本係黃田村。而响2001年，深圳黃田機場就改名為深圳寶安國際機場，當時有深圳傳媒就話改名原因係「黃田」用閩南話發音嘅話就同「黃泉」類似，所以先要改名。至於係真係假？就真係唔知喇！

對香港人而言，深圳機場係唔少去飛去內地城市嘅一個好選擇，因為好多內地細啲城市嘅航線香港係無直航，但深圳就有。近幾年，深圳機場有好多國際直航點香港都無，所以又係一個選擇。