如果史友們去潮州旅遊，相信好大機會會去「牌坊街」行下。好似習主席咁，就去咗個度巡視喇！

牌坊街，係潮州古城嘅地標性景點，亦係潮州古城嘅中軸線。呢個地方最出名自然係一個又一個嘅大牌坊，坊又稱為閭，响古代中國一直有表閭制度，主要是用嚟表彰住响坊裡嘅名賢人士，而表閭時就會响坊門上設牌，所以就叫做牌坊。

响現存嘅古牌坊當中，最出名嘅就係狀元坊。狀元坊係明朝嘉靖壬辰科狀元林大欽所建，唔駛講都知係為咗紀念潮州出咗個狀元。另外，潮州八賢之一、宋禮部尚書王大寶，都有起一個秋台坊，而明朝崇禎戊辰科進士同榜八人獻建嘅盛世元凱坊，都係牌坊街嘅招牌建築。可想而知，潮州古城都真係名人輩出。

原圖嚟自網絡